దొంగతనం జరిగిన ఆరు గంటల్లో పోలీసులు కేసును ఛేదించారు. దొంగను పట్టుకుని బంగారు నగలు, నగదు స్వాధీనం చేసుకున్నారు. హైదరాబాద్కు చెందిన శంకర్ రెడ్డి.. కడపలో వారి బంధువుల వివాహానికి వచ్చారు. మంగళవారం తిరిగి హైదరాబాద్కు తన వాహనంలో బయలుదేరారు. కడప శివారులో విజయదుర్గ ఆలయం వద్ద కారు ఆపి దర్శనం కోసం వెళ్ళారు.
కారు తలుపు ఒకటి సరిగా మూత పడని విషయాన్ని గ్రహించని ఓ దొంగ.. అందులోని బ్యాగ్ దొంగిలించాడు. శంకర్ రెడ్డి తిరిగి వచ్చి చూడగా బ్యాగ్ కనిపించలేదు. ఆయన ఫిర్యాదుతో రంగంలోకి దిగిన పోలీసులు సీసీ కెమెరాల ఆధారంగా దర్యాప్తు చేసి దొంగను పట్టుకున్నారు. అతడి నుంచి 18 తులాల బంగారు నగలు, 15 వేల నగదు స్వాధీనం చేసుకున్నారు.