రైతును బలిగొన్న విద్యుత్ తీగలు
కడప జిల్లా అట్లూరు మండలం కాటంవారిపల్లెలో విషాదం చోటు చేసుకుంది. పొలానికి నీరు పెట్టడానికి వెళ్లి చలమయ్య అనే రైతు కరెంట్ షాక్తో మృతి చెందాడు. ఎండిపోతున్న పంటను కాపాడుకోవడం కోసం నీరు పెట్టేందుకు తెల్లవారుజామున పొలానికి వెళ్లాడు. నీటి తడులు పెట్టే క్రమంలో విద్యుత్ తీగలు తగిలాయి. దాంతో అక్కడికక్కడే రైతు మరణించాడు. ఇంకా ఇంటికి రాలేదని వెతుక్కుంటూ పొలం వద్దకు వెళ్లిన కుటుంబసభ్యులకు చలమయ్య పొలంలోనే విగతజీవిగా కనిపించాడు.