చెత్తకుప్పలో పురిటి శిశువు... కాపాడిన స్థానికులు

పశ్చిమగోదావరి జిల్లా ఉరదాలపాలెంలో పురిటి  శిశువును చెత్త కుప్పపాలు చేశారు. గమనించిన స్థానికులు కాపాడారు.

పశ్చిమగోదావరి జిల్లా అత్తిలి మండలం ఉరదాలపాలెంలో విషాద ఘటన చోటు చేసుకుంది. పదిరోజుల ఆడశిశువును చెత్తకుప్పలో పడేసిన ఘటన స్థానికులను కలిచివేసింది. చెత్తకుప్పలో పడి ఏడుస్తూన్న పసిబిడ్డను చూసి కన్నీరుపెట్టుకున్నారు. ఆ పాపను అక్కున చేర్చుకున్నారు. వెంటనే స్త్రీ, శిశు సంక్షేమ శాఖ అధికారులకు సమాచారమిచ్చారు. పెనుమంట్ర అధికారులు స్పందించి వెంటనే పాపను ఆస్పత్రికి తరలించారు. శిశువును ఏలూరులోని శిశు సంరక్షణాలయంలో ఉంచుతామని తెలిపారు.

ఇది కూడా చదవండి.