ఆకతాయిలు, శత్రువుల నుంచి ఆత్మరక్షణ పొందే నైపుణ్యాన్ని నేర్పించేందుకు విజయనగరం జిల్లా పోలీసుశాఖ మహిళా రక్షక్ పోలీసులకు ఆత్మరక్షణపై శిక్షణ ఇస్తోంది. జిల్లా పోలీసు పరేడ్ మైదానంలో తొలి విడతగా పది మంది మహిళా రక్షక్ కానిస్టేబుళ్లకు 15 రోజుల పాటు తైక్వాండో శిక్షణ ఇస్తోంది.
తైక్వాండో శిక్షణ కార్యక్రమంలో పోలీసు శాఖలో 15 మంది బృందంతో కూడిన మహిళా రక్షక్ పోలీసు దళం శిక్షకుల ద్వారా తర్ఫీదు పొందుతున్నారు. ఈ శిక్షణలో ప్రధానంగా పంచ్, కిక్, లాకింగ్, రిలీజింగ్, నాన్ చెక్స్ అంశాలను నేర్పిస్తున్నారు. వీటి ద్వారా సులువుగా భౌతిక దాడులు, విపత్తుల నుంచి మహిళలు బయటపడవచ్చు. ఆత్మ విశ్వాసం కూడా పెరుగుతుందని శిక్షకులు చెబుతున్నారు.