ప్రత్యేక చర్యల వల్లే ఇది సాధ్యమైంది: కలెక్టర్

నాలుగో విడత పంచాయతీ పోలింగ్​లోనూ విజయనగరం జిల్లాలో అత్యధిక పోలింగ్ నమోదైంది. తుది దశలో 87.09 శాతం నమోదైంది. అధికారులు తీసుకున్న ప్రత్యేక చర్యల వల్లే రెండు, నాలుగు విడతల్లో అత్యధిక శాతం పోలింగ్ నమోదైందని జిల్లా కలెక్టర్ హరిజవహర్ లాల్ తెలిపారు.

నాలుగో విడత పంచాయతీ ఎన్నికల్లోనూ విజయనగరం జిల్లాలో అత్యధిక శాతం పోలింగ్ నమోదైంది. పోలింగ్ ముగిసే సమయానికి 3.30 గంటలకు జిల్లా వ్యాప్తంగా 87.09 శాతం పోలింగ్ నమోదైంది. తమ ఓటు హక్కును వినియోగించుకునేందుకు ఉదయం నుంచే పోలింగ్ కేంద్రాల వద్ద ఓటర్లు బారులు తీరారు. అత్యంధికంగా లక్కవరపుకోటలో 90.99 శాతం, కొత్తవలస మండలంలో 82.87 శాతం అత్యల్పంగా ఓట్లు పోలయ్యాయి.

మండలాల వారీగా..

మెంటాడ మండలంలో 86.86 శాతం, దత్తిరాజేరులో 90.09, గజపతినగరంలో 85.63 శాతం., బొండపల్లిలో 90.25, గంట్యాడలో 89.13 శాతం పోలింగ్ నమోదైంది. జామి మండలంలో 85.58 శాతం, శృంగవరపుకోట మండలంలో 83.11శాతం, వేపాడలో 89.34 శాతం, లక్కవరపుకోటలో 90.99 శాతం, కొత్తవలస మండలంలో 82.87 శాతం పోలింగ్ నమోదైంది.

ఇవీ చూడండి...