నేరస్థులెవరైనా ఫాల్కన్ పట్టేస్తుంది
సాంకేతికతతో నేరాలను నియంత్రించేందుకు ముందుండే రాష్ట్ర పోలీసులు.. మరో కొత్తతరహా వ్యవస్థను అందిపుచ్చుకున్నారు. అత్యాధునిక సాంకేతికతో రూపొందించిన ఫాల్కన్ వాహనాన్ని.. సాగర నగరం విశాఖలో అందుబాటులోకి తెచ్చారు. నగరంతో పాటు జిల్లాలో జరిగే అన్ని కార్యక్రమాల్లోనూ.. ముఖ్యంగా వీఐపీల పర్యటనలు, జాతరల్లో ఈ వాహనం సేవలను అధికంగా వినియోగిస్తున్నారు. నేరస్థుల ముఖ కవళికలతో పాటు కార్యక్రమంలో అనుమానాస్పదంగా తిరుగుతున్న వారిని పసిగట్టేందుకు ఫాల్కన్ ఉపయోగపడుతుంది. విదేశాల నుంచి దిగుమతి చేసుకున్న ఈ మొబైల్ సెక్యూరిటీ వాహనం ద్వారా నేరాలు జరగకుండా నిలువరించేందు వీలు కలుగుతుందని అధికారులు చెబుతున్నారు.