అంతర్జాతీయ స్నేహదినోత్సవ మాసోత్సవాలు..
అంతర్జాతీయ స్నేహితుల దినోత్సవంలో భాగంగా విశాఖ జిల్లా అనకాపల్లి బెస్ట్ ఫ్రెండ్స్ క్లబ్ ఆధ్వర్యంలో ప్రతి ఏటా స్నేహ దినోత్సవ మాసోత్సవాలు నిర్వహిస్తున్నారు. ముందుగా లాంగ్ వాక్ పోటీలను నిర్వహించగా అధిక సంఖ్యలో వాకర్స్ పాల్గొన్నారు. ఆరోగ్యంపై అవగాహన కల్పిస్తూ నిర్వహించిన పోటీలో వయసుతో సంబంధం లేకుండా అన్ని వయసులవారు పోటీలో ఉత్సాహం కనబరిచారు. రింగ్ రోడ్డు నుంచి గూడ్స్ రోడ్డు వరకు వాకర్స్ పోటీలో పాల్గొనగా, వీరిలో గెలుపొందిన విజేతలను అనకాపల్లి పట్టణ సీఐ తాతారావు సత్కరించారు. ఇలా నెల రోజుల పాటు వివిధ రకాల పోటీలు నిర్వహిస్తున్నట్లు బెస్ట్ ఫ్రెండ్స్ క్లబ్ సభ్యులు తెలిపారు.