అమిత్‌షా బస్సు యాత్రలో ఉద్రిక్తత

శ్రీకాకుళం జిల్లాలో భాజపా జాతీయ అధ్యక్షుడు అమిత్ షా పర్యటనను తెదేపా కార్యకర్తలు అడ్డుకునేందుకు ప్రయత్నించారు. కాశీబుగ్గ పాత బస్టాండ్ ఎన్టీఆర్ విగ్రహం వద్ద అమిత్ షా గో బ్యాక్ అంటూ నినాదాలు చేశారు.

శ్రీకాకుళం జిల్లాలో భాజపా అధ్యక్షుడు అమిత్ షా పర్యటనను తెదేపా కార్యకర్తలు అడ్డుకునేందుకు ప్రయత్నించారు. కాశీబుగ్గ పాత బస్టాండ్ ఎన్టీఆర్ విగ్రహం వద్ద ఆందోళన చేశారు. రహదారిపై బైఠాయించారు. అమిత్ షా గో బ్యాక్ అంటూ ఫ్లెక్సీలు చేతబూని నినాదాలు చేశారు. నిరసనలో ఎమ్మెల్యే గౌతు శ్యాంసుందర్ శివాజీ పాల్గొన్నారు. వందలాదిగా తెదేపా కార్యకర్తలు హాజరయ్యారు. రాష్ట్రంపై కేంద్రం ప్రదర్శిస్తున్న నిర్లక్ష్యం కారణంగానే ఆందోళన చేస్తున్నట్టు చెప్పారు.