శ్రీకాకుళం డాక్టర్‌ బీఆర్‌ అంబేడ్కర్ విశ్వవిద్యాలయం క్రీడా మైదానంలో సౌత్‌ జోన్‌ అంతర్‌ విశ్వవిద్యాలయ ఖోఖో పోటీలు ఘనంగా ప్రారంభమయ్యాయి. మంత్రులు ధర్మాన కృష్ణదాస్, ముత్తంశెట్టి శ్రీనివాసరావు క్రీడలను ప్రారంభించారు. మూడు రోజుల పాటు నిర్వహించనున్న పోటీల్లో... తెలుగు రాష్ట్రాలతో పాటు తమిళనాడు, కర్నాటక, కేరళ, పాండిచ్చేరి రాష్ట్రాలకు చెందిన 60 విశ్వవిద్యాలయాల నుంచి ఎనిమిది వందలకు పైగా మహిళా క్రీడాకారులు పాల్గొన్నారు.
దేశభక్తికి క్రీడలే కీలకం
దేశ భక్తిని పెంపొందించడంలో క్రీడలు ప్రముఖ పాత్ర పోషిస్తాయని క్రీడల మంత్రి ముత్తంశెట్టి శ్రీనివాసరావు పేర్కొన్నారు. క్రీడలు కుల, మతాలకు అతీతమని... దేశం యావత్తు క్రీడాకారులకు అండగా నిలుస్తుందన్నారు.