శ్రీకాకుళం జిల్లా సత్యవరం గ్రామంలో శనివారం సాయంత్రం కుక్కల దాడిలో 40 గొర్రె, మేక పిల్లలు మృత్యువాత పడ్డాయి. గ్రామానికి చెందిన పి. నగేష్ అనే గొర్రెల కాపరికి చెందిన గొర్రె పిల్లలు, మేక పిల్లలను ఇంటికి సమీపంలోని ఓ గూడులో ఉంచి బయటికి వెళ్లాడు.
ఆ సమయంలో కొన్ని కుక్కలు వాటిపై దాడి చేసి తీవ్రంగా గాయపరిచాయి. ఈ దాడిలో 40 గొర్రెలు, మేకలు మృతి చెందినట్టు నగేష్ తెలిపాడు. దాదాపు లక్ష రూపాయల నష్టం వాటిల్లిందని బాధితుడు వాపోయాడు.