పకడ్బందీగా వాహన తనిఖీలు.. 4లక్షలు స్వాధీనం

శ్రీకాకుళం జిల్లా ఎచ్చెర్ల నియోజకవర్గం జి. సిగడం మండలం సంత ఉరిటి వద్ద తనిఖీలు చేపట్టిన పోలీసులు రూ.4 లక్షలు స్వాధీనం చేసుకున్నారు.

శ్రీకాకుళం జిల్లా ఎచ్చెర్ల నియోజకవర్గం జి. సిగడం మండలం సంత ఉరిటి వద్ద పోలీసులు వాహన తనిఖీలు చేపట్టారు. ఓ కారులో వెళ్తున్న వ్యక్తుల నుంచి పోలీసులురూ.4 లక్షలు స్వాధీనం చేసుకున్నారు. రాజాం నుంచి శ్రీకాకుళం వైపు వెళుతున్న కారును తనిఖీ చేయగా ఈ నగదు పట్టుబడింది. ఎన్నికల అధికారులు, పోలీసులు, నోడల్ అధికారి ఈ తనిఖీల్లో పాల్గొన్నారు. వాహనం విశాఖ పట్నానికి చెందినదిగా గుర్తించారు.