శ్రీకాకుళం నగరంలో మొదటి కరోనా పాజిటివ్ కేసు నమోదయ్యింది. ఇటీవల దిల్లీ నుంచి వచ్చిన ఓ యువకునికి కొవిడ్ 19 నిర్ధరణ అయ్యింది. అధికార యంత్రాంగం అప్రమత్తమైంది. ఆ వ్యక్తి నివాసం ఉన్న పీఎన్‌ కాలనీ ప్రాంతాన్ని కంటైన్మెంట్ జోన్గా ప్రకటించారు. అక్కడెవరూ ఇళ్ల నుంచి బయటకు రావొద్దని ఆదేశాలు జారీ చేశారు.
ఈ కేసు నేపథ్యంలో... అనుమానితులను కరోనా పరీక్షల నిమిత్తం తీసుకువెళ్లారు. ఆయా ప్రాంతాల్లో వైద్య బృందాలను ఏర్పాటు చేశారు. ఇంటింటి సర్వేకు కలెక్టర్‌ ఆదేశించారు. పాతపట్నం మండలంలో శనివారం నమోదైన 4 పాజిటివ్ కేసులతో కలిపి.. జిల్లాలో కరోనా సోకిన వారి సంఖ్య 5కు చేరింది.