ఈనాడు, ఈటీవీ భారత్ కథనానికి స్పందన
కరోనా వైరస్‌ కారణంగా నెల రోజులుగా రక్తదాన శిబిరాలు జరగడం లేదని.. ఈ కారణంగా ‘రక్తనిధి' నిండుకుందని చెబుతూ ఈనాడు, ఈటీవీ భారత్ లో కథనాలు వచ్చాయి. ఆపదలో ఉన్న వారికి, అత్యవసర రోగులకు అవసరమైన రక్తం తక్షణం అందించేందుకు వీలు కాని పరిస్థితి.. ఈ కథనాలతో వెలుగులోకి వచ్చింది. శ్రీకాకుళం జిల్లా గుళ్ల సీతారాంపురం గ్రామంలోని యువత.. ఈ సమస్యపై వెంటనే స్పందించారు. 'రెడ్క్రాస్' సంస్థ ఆధ్వర్యంలో నిర్వహించిన రక్తదాన శిబిరంలో భాగం పంచుకున్నారు. గ్రామానికి చెందిన 15 మంది యువత రక్తదానం చేశారు. 'రెడ్క్రాస్' సంస్థ ప్రతినిధులు యువతకు ప్రశంసాపత్రాన్ని అందించి వారిని అభినందించారు.