అభివృద్ధి చూపించాం.. అందుకే ఓట్లు అడుగుతున్నాం!

"నియోజకవర్గంలో 12 వందల కోట్ల రూపాయలతో అభివృద్ధి పనులు చేశాం. తాగునీరు, సాగునీరు, పారిశుద్ధ్యం అన్ని రంగాల్లోనూ అభివృద్ధి జరిగింది. నరసన్నపేటను సుందరనగరంగా తీర్చిదిద్దాం. సంక్షేమ ఫలాలు అందరికీ చేరవేశాం. కచ్చితంగా గెలుస్తామన్న నమ్మకం ఉంది.” -బగ్గు రమణమూర్తి, తెదేపా అభ్యర్థి

శ్రీకాకుళం నరసన్నపేట శాసనసభ నియోజకవర్గం నుంచి తెదేపా అభ్యర్థిగా పోటీ చేస్తున్నబగ్గు రమణమూర్తి.. విజయంపై ధీమాగా ఉన్నారు. గతంలో ఎన్నడూ సాధించలేని అభివృద్ధిని ఈ ఐదేళ్లలో చేసి చూపించామని చెప్పారు.బొంతు ఎత్తిపోతల పథకంతోపాటు ఎన్నో సాగు, తాగు నీరందించే కార్యక్రమాలు చేపట్టామని వెల్లడించారు. ఆ అభివృద్ధిని చూపించే.. ఓట్లు అడుగుతున్నామని ప్రగతి నివేదిక విడుదల సందర్భంగా చెప్పారు.

ప్రగతి నివేదిక:

• రూ.180 కోట్లతో 12 వేల ఎకరాలకు సాగు నీరందించే బొంతు ఎత్తిపోతల పథకం

• వనిత మండలంలో రూ.72 కోట్లతో బ్రడ్జి నిర్మాణం

• రూ. 22 కోట్లతో నవతన ఎత్తిపోతల పథకం పూర్తి

ఆసుపత్రులు, పాఠశాల భవనాల ఆధునీకరణ

శ్రీముఖలింగం పుణ్య క్షేత్రానికి రహదారి విస్తరణ

రైతు బీమా, పసుపు - కుంకుమ, పింఛన్ల వంటి సంక్షేమ పథకాల అమలు

ఇవీచదవండి