చెరువులోకి వర్షపునీరు... ఆనందంలో అన్నదాతలు

ఎప్పుడూ ఎండుతూ కనిపించే మార్కాపురం చెరువుకు... వర్షపు నీరు చేరుతుండడం.. రైతులకు ఆనందం కలిగించింది.

ప్రకాశం జిల్లా మార్కాపురం చెరువుకు భారీగా వర్షపు నీరు వచ్చి చేరుతోంది. నల్లమల అటవీ ప్రాంతాల్లో పడిన వర్షం... నల్ల కాలువ ద్వారా వచ్చి చెరువులో కలుస్తోంది. గత ఏడేళ్లుగా నీరు లేక చెరువు వెలవెలబోయిందని రైతులు గుర్తుచేసుకున్నారు. పట్టణంలోని తాగు నీటి బోర్ల నుంచీ నీళ్లు రాక.. తీవ్ర ఇబ్బందులకు గురయ్యామన్నారు. ఇప్పుడు కురుస్తున్న వర్షాలకు చెరువు నిండుతోందని ఆనందం వ్యక్తం చేశారు. చెరువులోని చెట్లను తొలగిస్తే... ఇంకా ఎక్కువ నీరు నిలువ ఉండేందుకు అవకాశం కలుగుతుందని ఆశాభావం వ్యక్తం చేశారు.

ఇదీ చదవండి:ప్రకాశంలో భారీ వర్షాలు