ప్రకాశం జిల్లా కనిగిరి తెదేపా కార్యాలయంలో.. కనిగిరి నగర పంచాయతీకి నూతన కమిటీని ప్రకటించారు. ఈ కార్యక్రమానికి ముఖ్య అతిథిగా తెదేపా ఒంగోలు పార్లమెంటు అధ్యక్షులు నూకసాని బాలాజీ పాల్గొన్నారు. నిత్యం ప్రజలకు అందుబాటులో ఉన్న కనిగిరి తెదేపా ఇన్ఛార్జ్, ముక్కు ఉగ్రనరసింహారెడ్డి ఆధ్వర్యంలో యువ నాయకులు ముందుకు వెళ్లాలని బాలాజీ సూచించారు.
ఒక్క అవకాశం అని అందలమెక్కిస్తే.. రాష్ట్రాన్ని అప్పులు పాలు చేస్తున్నారంటూ సీఎం జగన్పై ధ్వజమెత్తారు. అమరావతిలో జగన్, నియోజకవర్గాల్లో శాసనసభ్యులు కోట్ల రూపాయలు దోచేస్తున్నారంటూ బాలాజీ ఆరోపించారు.