కనిగిరి నియోజకవర్గంలోని 108 వాహనాల పరిస్థితి మరీ దయనీయంగా ఉంది. నియోజకవర్గంలో గత కొన్ని రోజులుగా 108 వాహనాలు అత్యవసర వైద్య సేవలకు దూరమయ్యాయి. నియోజకవర్గంలో మూడు 108 వాహనాలు ఉండగా.. ఒక వాహనం మరమతులకు గురై ఒంగోలు షోరూమ్లో రెస్ట్ తీసుకుంటోంది. మరొక వాహనం టైర్లన్నీ అరిగిపోయి నీరసించిపోయింది. ఇక మిగిలిన మూడో వాహనానికి ఆక్సిజన్ సిలిండర్ సరిగాలేక మూలకు చేరింది.
ఈ మధ్యకాలంలో రోడ్డు ప్రమాదాలలో తీవ్రంగా గాయపడిన క్షతగాత్రులు అత్యవసర చికిత్స కోసం 108కి ఫోన్ చేస్తే బాధితులకు ఎదురైన అనుభవాలివి. చివరికి రోడ్డు ప్రమాదంలో గాయాలపాలైన ఓ వ్యక్తి 108 సేవలు అందుబాటులో లేక మరణించాడు. అయినా అధికారుల్లో చలనం లేదు ప్రజలు వాపోతున్నారు. ఇప్పటికైనా ప్రభుత్వం వెంటనే స్పందించి 108 వాహనాలను మరమ్మత్తులు చేయించి అందుబాటులోకి తీసుకురావాలని ప్రజలు కోరుతున్నారు.
ఇవీ చదవండి:కరోనా బాధితుడు 14 రోజుల్లో ఎంతమందిని కలిశాడు.. వారి పరిస్థితి ఏంటి?