నంద్యాల ఎమ్మెల్యే ఎదుట మహిళ ఆత్మహత్యాయత్నం!
కర్నూలు జిల్లా నంద్యాల ఎమ్మెల్యే శిల్పా రవిచంద్రకిషోర్‌రెడ్డి ఎదుట ఓ మహిళ పురుగుల మందు తాగి ఆత్మహత్యకు ప్రయత్నించింది. పట్టణంలో ఓ ప్రైవేట్ షోరూం ప్రారంభోత్సవానికి వచ్చిన ఎమ్మెల్యే ఎదుట.. బాలాజీ కాంప్లెక్స్‌కు చెందిన పద్మలత అనే మహిళ బలవన్మరణానికి యత్నించింది. తమ అక్కా చెల్లెళ్ల మధ్య ఉన్న ఆస్తి వివాదంలో నంద్యాల పురపాలక వైస్ ఛైర్మన్ గంగిశెట్టి శ్రీధర్ జోక్యం చేసుకుంటున్నారని మహిళ ఆరోపించారు. బాధిత మహిళను నంద్యాల ప్రభుత్వ ఆస్పత్రికి తరలించి చికిత్స అందిస్తున్నారు.