బనగానపల్లెలో మృతదేహంతో రహదారిపై నిరసన

ట్రాక్టర్​ యజమాని నిర్లక్ష్యంతో తన భర్త మృతి చెందాడని కర్నూలు జిల్లా బనగానపల్లెలో భార్యతో పాటు బంధువులు మృతదేహంతో ఆందోళనకు దిగారు. తమకు న్యాయం చేయాలని డిమాండ్​ చేశారు.

కర్నూలు జిల్లా బనగానపల్లెలో పెట్రోల్ బంక్ కూడలిలో మృతదేహంతో కుటుంబ సభ్యులు నిరసన తెలిపారు. బనగానపల్లెకు చెందిన అంకాలు అనే ట్రాక్టర్ డ్రైవర్ మృతి చెందాడు. యజమానిపై కేసు నమోదు చేయాలని బంధువులు, ఎమ్మార్పీఎస్ నాయకులు అరగంట పాటు రాస్తారోకో నిర్వహించారు. నాపరాతి గనుల్లో అంకాలు ట్రాక్టర్ డ్రైవింగ్ చేస్తూ ప్రమాదవశాత్తు ట్రాక్టర్ బోల్తా పడి మృతి చెందాడు. యజమాని చంద్రారెడ్డి బ్రేకులు సరిగాలేని ట్రాక్టర్‌ అప్పగించడంతో తన భర్త మృతి చెందాడని భార్య అంకాలమ్మ ఆరోపించారు... పోలీసులు న్యాయం చేస్తామని భరోసా ఇవ్వడంతో రాస్తారోకో విరమించుకున్నారు.

ఇది కూడా చదవండి.