28న తెదేపాలోకి కోట్ల

కర్నూలు జిల్లాలో కాంగ్రెస్​ కీలక నేతగా ఉన్న కేంద్ర మాజీ మంత్రి కోట్ల సూర్య ప్రకాష్ రెడ్డి.. తెదేపాలో చేరబోయే ముహూర్తం ఖరారైంది. ఈ నెల 28న సీఎం చంద్రబాబు సమక్షంలో కోట్ల కుటుంబం తెదేపాలో చేరనుంది.

మాజీ ముఖ్యమంత్రి కోట్ల విజయభాస్కర్ రెడ్డి తనయుడు, కేంద్ర మాజీ మంత్రి కోట్ల సూర్యప్రకాశ్ రెడ్డి..తెదేపాలో చేరిక సమయం ఖరారైంది. ఈ నెల 28న కర్నూలు జిల్లా కోడుమూరులో భారీ బహిరంగ సభ నిర్వహించి.. అదే సందర్భంలో కోట్ల కుటుంబం తెదేపాలో చేరనుంది. ముఖ్యమంత్రి చంద్రబాబు సభకు హాజరుకానున్నారు. ఈ కార్యక్రమాన్ని విజయవంతం చేసేందుకు కోట్ల అనుచరవర్గంతోపాటు.. తెదేపా శ్రేణులు విస్తృత ఏర్పాట్లు చేస్తున్నాయి.