తూకంలో తేడా.. పత్తి వ్యాపారి మోసం

కర్నూలు జిల్లా ఆళ్లగడ్డలోని ఓబులంపల్లెలో.. పత్తి రైతులను తూకం పేరుతో ఓ వ్యాపారి మోసం చేసే ప్రయత్నం చేశాడు. రైతులు అది గమనించి పట్టుకునేలోపే నిందితుడు పారిపోయాడు.

కర్నూలు జిల్లా ఆళ్లగడ్డ మండలంలోని గ్రామాల రైతుల నుంచి వ్యాపారులు పత్తిని కొనుగోలు చేస్తుంటారు. పత్తిని ఎలక్ట్రానిక్ త్రాసుపై తూకం వేస్తారు. ఈ నేపథ్యంలో కొందరు వ్యాపారులు రైతులను బురిడీ కొట్టించాలని ప్రయత్నించారు. త్రాసును ట్యాంపర్ చేసి... పత్తిని తక్కువ బరువుగా చూపించారు. తూకంలో వ్యత్యాసాన్ని గమనించిన కొంతమంది రైతులు... వ్యాపారస్థులను ప్రశ్నించగా వారు అక్కడినుంచి పారిపోయారు. దీనిపై అన్నదాతలు పోలీసు స్టేషన్​లో ఫిర్యాదు చేశారు. మోసానికి పాల్పడిన వారిపై చర్యలు తీసుకుని తమకు న్యాయం చేయాలని కోరారు.

ఇవీ చదవండి