కడపలో యురేనియం తవ్వకాలపై రాష్ట్రపతికి ఏఐవైఎఫ్​ లేఖ

కడప జిల్లాలో యురేనియం తవ్వకాల అనుమతులు రద్దు చేయాలని కోరుతూ ఏఐవైఎఫ్​ ఆధ్వర్యంలో యువత రాష్ట్రపతికే లేఖ రాశారు. వీటి వల్ల నీరు కలుషితమై ప్రజలు అనారోగ్యం పాలవుతున్నారని తమ లేఖలో పేర్కొన్నారు. సమస్యను పరిష్కరించాలని విజ్ఞప్తి చేశారు.

కడప జిల్లా తుమ్మలపల్లిలో యురేనియం తవ్వకాలు నిలిపివేయాలని ఏఐవైఎఫ్​ ఆధ్వర్యంలో యువత రాష్ట్రపతి రామ్​నాథ్​ కోవింద్​కు లేఖలు రాశారు. వీటిని కర్నూలు కలెక్టర్​ కార్యాలయంలోని పోస్ట్​ బాక్సులో వేశారు. యురేనియం ప్లాంట్​ వల్ల గాలి, నీరు, కలుషితమై ప్రజలు అనారోగ్యానికి గురవుతున్నారని తమ లేఖల్లో పేర్కొన్నారు. పంటలు ఎండిపోయి రైతులు ఆవేదన చెందుతున్నారని వాపోయారు. వెంటనే ప్లాంట్​ రద్దు చేయాలని కోరారు. అలాగే తెలుగు రాష్ట్రాల్లో ఎలాంటి యురేనియం తవ్వకాలకు అనుమతులివ్వకూడదని లేఖలో విజ్ఞప్తి చేశారు.

ఇదీ చూడండి: