అక్టోబర్ 2 నాటికి అందుబాటులోకి గ్రామ సచివాలయాలు

అక్టోబర్ 2 నాటికి గ్రామ సచివాలయాలు అందుబాటులోకి వస్తాయని పంచాయతీ రాజ్​శాఖ కార్యదర్శి గోపాలకృష్ణ ద్వివేది తెలిపారు. దీనికి సంబంధించి వారంరోజుల్లో నోటిఫికేషన్ విడుదల చేస్తామని చెప్పారు.

గ్రామ సచివాలయ నియామకాలకు మంత్రి వర్గం ఆమోదం తెలిపిందని పంచాయితీ రాజ్ శాఖ ప్రిన్సిపల్ సెక్రటరీ గోపాలకృష్ణ ద్వివేది తెలిపారు.దీనికి సంబంధించి రెండు, మూడు రోజుల్లో జీవో విడుదల కానుందని చెప్పారు. 13 శాఖల్లో 11రకాల ఉద్యోగాలకు ఈ వారంలోనే నోటిఫికేషన్లు విడుదల చేస్తామని తెలిపారు. అభ్యర్థుల వయో పరిమితి, పోస్టుల సంఖ్య, సిలబస్ని వీలైనంత త్వరగా ఖరారు చేస్తామని చెప్పారు. అక్టోబర్ 2 నాటికి ఎట్టి పరిస్థితుల్లోనూ గ్రామ సచివాలయాలు అందుబాటులోకి తీసుకురావాలని ముఖ్యమంత్రి ఆదేశాలు జారీ చేశారన్నారు.దాదాపు 40 వేల పోస్టుల భర్తీకి సంబంధించి నియామక ప్రక్రియ జరుగుతుందని తెలిపారు. దళారులను ఎట్టి పరిస్థితుల్లో నమ్మొద్దని సూచించారు.

ఇదీ చదవండి :'ట్రిపుల్ ఐటీతో విద్యార్థుల కలలు సాకారం'