'గుడివాడలో స్వచ్ఛ భారత్ కార్యక్రమం'

గుడివాడలో స్వచ్ఛ భారత్ కార్యక్రమం నిర్వహించారు. ఎన్టీఆర్ స్టేడియం చుట్టూ ఉన్న చెత్తను క్రీడాకారులు, విద్యార్థులు కలిసి తొలగించారు.

కృష్ణాజిల్లా గుడివాడలో స్వచ్ఛభారత్ కార్యక్రమం నిర్వహించారు. ఎన్టీఆర్ స్టేడియం కమిటీ దుకాణాల యాజమాన్యాల ఆధ్వర్యంలో నిర్వహించిన ఈ కార్యక్రమంలో... క్రీడాకారులు, కమిటీ సభ్యులు కలిసి స్టేడియం చుట్టూ ఉన్న చెత్తను తొలగించారు. విద్యార్థులు ఉత్సాహంగా పాల్గొని స్వచ్ఛ భారత్ నినాదాలు చేశారు. ఈ కార్యక్రమాన్ని ఒక్క రోజుకే పరిమితం చేయకుండా ప్రతి వారం నిర్వహిస్తామని కమిటీ సభ్యులు తెలిపారు. ప్రధాని మోదీ కలలుగన్న స్వచ్ఛ భారత్ ను ఏర్పాటు చేసే దిశగా అడుగులు వేస్తామన్నారు.