మందుబాబును కాపాడిన పోలీసు అధికారి
నిత్యం వాహనాలతో రద్దీగా ఉండే ప్రాంతం బందరు బస్ స్టాండ్... రాత్రి 11 గంటల సమయం... ఎవరింటింకి వారు వెళ్లే హడావుడి... అక్కడ పూటుగా మద్యం సేవించి అచేతనంగా పడి ఉన్న ఓ మందుబాబు. మత్తులో తూగుతోన్న వ్యక్తిని చూసి అందరూ తప్పుకు పోవటమే తప్ప పట్టించుకునే వారే లేరు. సరిగ్గా ఆ సమయంలోనే గస్తీ నిర్వహించే ఓ పోలీసు కానిస్టేబుల్ అక్కడకు వచ్చారు. ప్రమాదకర మలుపులో అచేతనంగా పడి ఉన్న మందుబాబును గుర్తించారు. వెంటనే స్పందించి అతన్ని సురక్షిత ప్రాంతానికి తరలించారు. ఆ తరువాత ముఖంపై నీళ్లు చల్లి సపర్యలు చేశారు. దీనిపై అక్కడివారు ఆ పోలీసును ప్రశసించారు. ఇక్కడ కొసమెరుపేంటంటే మత్తు వదిలిన ఆ వ్యక్తి అన్యాయంగా నన్నెందుకు పట్టుకున్నారంటూ నానా హంగామా చేశాడు.