మద్యం అమ్మకాలకు క్యూ.. వ్యాక్సిన్ల కేంద్రాల వద్ద తోపులాటా?: లోకేశ్

సీఎం జగన్​పై విమర్శలు గుప్పించారు తెదేపా జాతీయ ప్రధాన కార్యదర్శి నారా లోకేశ్. అనారోగ్యానికి కారణమయ్యే మద్యం షాపుల ముందు క్యూలో ఉండేలా జాగ్రత్తలు చేపట్టిన ప్రభుత్వం.. వ్యాక్సిన్ కేంద్రాల వద్ద మాత్రం చేతులెత్తేసిందంటూ ఆగ్రహం వ్యక్తం చేశారు. ఇందుకు సంబంధించిన ఓ వీడియోను ట్వీట్ చేశారు.

ముఖ్యమంత్రి జగన్ పై తెదేపా జాతీయ ప్రధాన కార్యదర్శి నారా లోకేశ్ విమర్శనాస్త్రాలు సంధించారు. జగన్​కి తన సొంత బ్రాండ్ల మద్యం అమ్మకాలపై ఉన్న ఆరాటం.. ప్రజారోగ్యంపై లేకపోవటం విచారకరమన్నారు.

మద్యం షాపుల ముందు క్యూ పెట్టి.. భౌతికదూరం పాటించేలా చర్యలు చేపట్టారు కానీ.. వ్యాక్సిన్ కేంద్రాల వద్ద మాత్రం చేతులెత్తేశారని దుయ్యబట్టారు. ఈ చర్యలతో కొవిడ్ వ్యాప్తికి కారణమవుతున్నారని ఆగ్రహం వ్యక్తం చేశారు. ఈ మేరకు ఓ వీడియోను తన ట్విటర్ ఖాతాకు జత చేశారు.

ఇదీ చదవండి: