లారీ, బైక్ ఢీ... యువతి దుర్మరణం

కృష్ణా జిల్లాలో బైకును లారీ ఢీ కొట్టిన ఘటనలో.. యువతి దుర్మరణం చెందింది.

కృష్ణా జిల్లా గన్నవరం దగ్గర చెన్నై - కోల్​కతా జాతీయ రహదారిపై... విజయవాడ శివారు నిడమానూరులో రోడ్డు ప్రమాదం చోటుచేసుకుంది. ఘంటసాల మండలం గోగినేనిపాలెంకు చెందిన కుంపటి మనీషా (22) అక్కడికక్కడే మృతి చెందింది. విజయవాడలో ఓ ప్రైవేటు సంస్థలో పనిచేస్తున్న మనీషా తన స్నేహితునితో కలిసి బైక్​పై వెళ్తుండగా వెనక నుంచి లారీ ఢీ కొట్టింది. ఈ ఘటనలో.. మనీషా తల గుర్తు పట్టలేని విధంగా ఛిద్రమైంది.