మిషన్ సాహసి పేరుతో విద్యార్థులకు కరాటే శిక్షణ
విజయవాడలో మిషన్ సాహసి పేరుతో అఖిల భారత విద్యార్థి పరిషత్ ఆధ్వర్యంలో కళాశాలల విద్యార్థులకు ఆత్మస్థైర్యం - స్వీయరక్షణపై కరాటే శిక్షణ తరగతులు నిర్వహించారు. లైంగిక దాడుల నుంచి తమను తాము కాపాడుకోవడానికి ఈ శిక్షణ కార్యక్రమం ఉపయోగపడుతుందని నిర్వాహకులు తెలిపారు. విద్యార్థుల్లో ఆత్మస్థైర్యం నింపటానికి ఏబీవీపీ ఆధ్వర్యంలో దేశవ్యాప్తంగా సాహసం అనే కార్యక్రమం చేపడతామని తెలిపారు. నగరంలోని సంగీత కళాశాల ఆవరణలో విద్యార్థులతో మిషన్ సాహసి కార్యక్రమం నిర్వహిస్తున్నట్లు పేర్కొన్నారు.