'అందరి సహకారంతో గుడివాడ అభివృద్ధి చేస్తా'

వైకాపా ఎమ్మెల్యే కొడాలి నాని కుల రాజకీయాలు చేస్తున్నారని దేవినేని అవినాష్ ఆరోపించారు. కాపు సంఘాల నేతలతో జరిగిన సమావేశంలో మాట్లాడుతూ... అందరూ తనకు సహకరించాలని కోరారు.

వైకాపా ఎమ్మెల్యే కొడాలి నాని కుల రాజకీయాలు చేస్తున్నారని గుడివాడ శాసనసభ తెదేపా అభ్యర్థి దేవినేని అవినాష్ ఆరోపించారు. కృష్ణాజిల్లా గుడివాడలో జరిగిన కాపు సంఘాల ఆత్మీయ సమావేశంలో ముఖ్యఅతిథిగా పాల్గొన్నారు. ఆయనతోపాటు మచిలీపట్నం పార్లమెంట్ తెదేపా అభ్యర్థి కొనకళ్ల నారాయణ హాజరయ్యారు. ముఖ్యమంత్రి చంద్రబాబుతోనే కాపుల అభివృద్ధి సాధ్యపడుతుందని అవినాష్ తెలిపారు. తన రాజకీయ ప్రస్థానంలో కుల, మత రాజకీయాలకు తావులేదని పేర్కొన్నారు. కాపులంతా తనకు సహకరించాలని .... ఈ ఎన్నికల్లో భారీ ఆధిక్యంతో గెలిపించాలని కోరారు.

ఇదీ చదవండి...సైకిల్​కు ఓటు వేయండి.. అభివృద్ధి పొందండి!