నాటుసారా ధ్వంసం.. మద్యం సీసాలు స్వాధీనం

కృష్ణా జిల్లా అవనిగడ్డ మండలంలో వేర్వేరు చోట్ల పోలీసులు జరిపిన దాడుల్లో నాటుసారా, మద్యం లభ్యమైంది. దీనికి సంబంధించి ఐదుగురిని అదుపులోకి తీసుకున్నారు. వారి నుంచి మద్యం సీసాలు స్వాధీనం చేసుకున్నారు.

కృష్ణా జిల్లా అవనిగడ్డ మండలంలో వేర్వేరు చోట్ల పోలీసులు జరిపిన దాడుల్లో నాటుసారా, మద్యం లభ్యమైంది. వేకనూరు సమీపంలోని కరకట్టవద్ద సారా తయారీకి ఉపయోగించే బెల్లం ఊట సుమారు 120 లీటర్లను పోలీసులు ధ్వంసం చేశారు. దీనికి సంబంధించి తుంగల ఏడుకొండలు, నాగేశ్వరరావు, గుడివాక ఏడుకొండలు అనే ముగ్గురిని అదుపులోకి తీసుకున్నారు.

కొత్తపేట శివారులో ఉన్న ఫుష్కరఘాట్ వద్ద ఇద్దరు మద్యం అమ్ముతుండగా పోలీసులు పట్టుకున్నారు. వారి నుంచి 46 క్వార్టర్ బాటిళ్లు, 4 ఫుల్ బాటిళ్లు స్వాధీనం చేసుకున్నారు. వీరు ఎక్కడనుంచి తీసుకొస్తున్నారో విచారణ చేస్తున్నామని పోలీసులు తెలిపారు.

ఎక్కడైనా నాటుసారా, మద్యం అమ్ముతున్నారని తెలిస్తే తన నెంబర్ 94407 96467కు సమాచారం ఇవ్వాలని ఇన్​స్పెక్టర్ సందీప్ కోరారు. సమాచారం ఇచ్చిన వారి వివరాలు గోప్యంగా ఉంచుతామన్నారు.

ఇవీ చదవండి..