గుంటూరు జిల్లా బాపట్లలో మద్యం కోసం మందుబాబులు బారులు తీరారు. ప్రతి ఒక్కరి చేతిలో గొడుగు. అది లేకపోతే మందు దొరకదు కదా మరి. గొడుగు, మాస్కు లేని పక్షంలో మందు దొరకని పరిస్థితుల్లో అందరూ గొడుగులు తెచ్చుకుంటున్నారు. మరి ఛత్రం మరిచిపోయి వచ్చిన వారి పరిస్థితి ఏంటి. అది గమనించిన ఓ వ్యక్తి దాన్ని ఆదాయం తీసుకువచ్చే వ్యాపారంలా మలిచాడు.
బాపట్ల కూరగాయల మార్కెట్ వద్దనున్న మద్యం దుకాణం సమీపంలో గొడుగులు అద్దెకిచ్చే పనికి శ్రీకారం చుట్టాడు. ఒక గొడుగుకి రూ. 100 అడ్వాన్స్, రూ. 20 ల చొప్పున వసూలు చేస్తున్నాడు. మందు కొనుక్కుని తిరిగి వెళ్లేటప్పుడు ఆ రూ.100 వారికి ఇచ్చేస్తాడు. భలే ఉంది కదా అతని గొడుగు ఆలోచన.