ప్రమాద వశాత్తు ట్రాక్టర్ బోల్తా పడి ఓ వ్యక్తి మృతి చెందిన ఘటన గుంటూరులో జరిగింది. పశ్చిమ గోదావరి జిల్లాకు చెందిన పది కుటుంబాలు స్థానికంగా ఉండే నాగండ్లవారిపాలెంలో రొయ్యల చెరువులకు కాపలాదారులుగా పనిచేస్తున్నారు. వీరిలో సర్వేశ్వరరావు అనే వ్యక్తి నిలిపి ఉన్న ట్రాక్టర్పై కూర్చుని ఉండగా ఆకస్మాత్తుగా ట్రాక్టర్ జారి పక్కనే ఉన్న బురద కాలువలో బోల్తా పడింది. వాహనం పైనున్న వ్యక్తిపై ట్రాక్టర్ పడటంతో అతనికి తీవ్ర గాయాలయ్యాయి. చికిత్స నిమిత్తం బాధితుడిని ఆసుపత్రికి తరలించగా .. అప్పటికే మృతి చెందినట్లు వైద్యులు తెలిపారు. సంఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.
గుంటూరులో ట్రాక్టర్ బోల్తా పడి వ్యక్తి మృతి