నిజాంపట్నం మండలంలో ఎక్సైజ్, సివిల్ పోలీసులు నాటుసారా స్థావరాలపై దాడులు చేశారు. వీరంకి వారిపాలెం, శొంఠి వారిపాలెం గ్రామాల సమీపంలోని మడ అడవి ప్రాంతాల్లో తనిఖీలు చేశారు. సారా తయారీకి సిద్ధంగా ఉన్న సుమారు 3 వేల లీటర్ల బెల్లం ఊటను ధ్వంసం చేశారు. సారా తయారీకి వినియోగించే సామగ్రిని స్వాధీనం చేసుకున్నారు. అక్రమ మద్యం, నాటుసారా తయారీ, అమ్మకాలు జరిపితే కఠిన చర్యలు తప్పవని నగరం, నిజాంపట్నం మండలాల ఎక్సైజ్ ఎస్సై శ్రీనివాస్ హెచ్చరించారు. నాటుసారాను అరికట్టేందుకు ఎప్పటికప్పుడు దాడులు చేస్తూనే ఉంటామని తెలిపారు.
నాటుసారా స్థావరాలపై ఎక్సైజ్, సివిల్ పోలీసులు దాడులు
నిజాంపట్నం మండలంలో నాటుసారా స్థావరాలపై ఎక్సైజ్ పోలీసులు దాడులు చేశారు. 3 వేల లీటర్ల బెల్లం ఊటను ధ్వంసం చేశారు. ఇటువంటి చర్యలకు పాల్పడితే కఠిన శిక్షలు పడతాయని ఎస్సై హెచ్చరించారు.
3 వేల లీటర్ల బెల్లం ఊట ధ్వంసం