'రాష్ట్ర సర్వతోముఖాభివృద్ధికి భాజపా కృషి'

ఐదేళ్లలో దేశ ప్రగతి కోసం ఎన్నో కార్యక్రమాలు చేపట్టామని ప్రధాని మోదీ చెప్పారు. ప్రజల ఆకాంక్షల మేరకే పని చేస్తున్నామన్నారు. రాజమహేంద్రవరంలో భాజపా ఎన్నికల ప్రచార బహిరంగ సభలో మోదీ పాల్గొన్నారు.

ఐదేళ్లలో దేశ ప్రగతి కోసం ఎన్నో కార్యక్రమాలు చేపట్టామని ప్రధాని మోదీ అన్నారు. ప్రజల ఆకాంక్షల మేరకేఇన్ని రోజులు పని చేశామని చెప్పారు. రాజమహేంద్రవరంలో భాజపా ఎన్నికల ప్రచార బహిరంగకు హాజరైన ప్రధాని మోదీ.. మరోసారి తమనుఆశీర్వదించాలని ప్రజలను కోరారు. దేశంలోని పన్ను చెల్లింపుదారులు అందరికీ కృతజ్ఞతలు తెలిపారు. ఆ పన్నుల వల్లే రాజమహేంద్రవరంలో అనేక అభివృద్ధి కార్యక్రమాలు చేపట్టామన్నారు. కాకినాడను స్మార్ట్ సిటీగా తయారు చేస్తున్నామని చెప్పారు. కృష్ణా - గోదావరి నదుల్లో రవాణా మార్గం విస్తరణ జరుగుతోందని వెల్లడించారు. ఏపీ సర్వతోముఖాభివృద్ధికి కేంద్రం చర్యలు తీసుకుందని స్పష్టం చేశారు.

ప్రజల కోరిక మేరకు ఆదాయపన్ను పరిమితి 5 లక్షలకు పెంచామని మోదీ గుర్తు చేశారు.ఐదేళ్లలో కొత్త పన్నులు పెంచకపోగా.. రాను రానుతగ్గిస్తూ వచ్చామన్నారు. పన్నులు వసూలు కాకున్నా అభివృద్ధి పనులు జరుగుతూనే ఉన్నాయని చెప్పారు.మత్స్యకారుల సంక్షేమానికి అనేక చర్యలు చేపట్టామని... ప్రత్యేక మంత్రిత్వశాఖనూఏర్పాటు చేశామని తెలిపారు. కిసాన్​ కార్డుల తరహాలో మత్స్యకారులకూ క్రెడిట్​ కార్డులు ఇస్తున్నామన్నారు. ఆర్థికంగా వెనుకబడిన వర్గాలకు 10 శాతం రిజర్వేషన్ కల్పించామని అన్నారు.