చొల్లంగి తీర్థ స్నానం.. చేసొద్దాం రండీ..!
చొల్లంగి అమావాస్యను పురస్కరించుకుని కాకినాడలో తెల్లవారుజాము నుంచి భక్తులు ఆలయాలకు పోటెత్తారు. బాలాత్రిపురసుందరి సమేత సోమేశ్వరస్వామికి ప్రత్యేక పూజలు నిర్వహించారు. పుష్యమాసంలో ఆఖరు రోజున వచ్చే అమావాస్యను చొల్లంగి అమావాస్య అంటారు. ఈ రోజున చొల్లంగి తీర్థ స్నానం చేయడం వల్ల విశేష పుణ్యఫలం లభిస్తుందనేది భక్తుల విశ్వాసం. చొల్లంగి తీర్థానికి పెద్దసంఖ్యలో భక్తులు వచ్చి పవిత్ర స్నానాలు ఆచరిస్తున్నారు. తమ పెద్దలకు పిండప్రధానం చేస్తున్నారు. దూరప్రాంతాల నుంచి వచ్చే భక్తులకు ఎటువంటి ఇబ్బంది కలగకుండా అన్ని చర్యలు తీసుకుంటున్నారు.