తిరుపతి టాస్క్ఫోర్స్ పోలీసులు రూ. కోటి విలువైన ఎర్రచందనం దుంగులను స్వాధీనం చేసుకున్నారు. తిరుపతి - కడప రహదారిలోని కుక్కలదొడ్డి సమీపంలోని అటవీ ప్రాంతంలో కూంబింగ్ చేపట్టిన పోలీసులకు స్మగ్లర్లు చిక్కారు. ప్రకాశం జిల్లాకు చెందిన స్మగ్లర్ రమేశ్ రెడ్డిని అదుపులోకి తీసుకుని విచారించగా..కర్నూలు జిల్లాకు చెందిన మరో స్మగ్లర్ పుల్లారెడ్డితో కలిసి అక్రమ రవాణాకు పాల్పడుతున్నట్లు పోలీసులు గుర్తించారు.
తరలించడానికి సిద్దంగా ఉన్న 5 దుంగలతో పాటు అతడు ఇచ్చిన సమాచారం మేరకు ప్రకాశం జిల్లాలోని చిన్నారికట్లలో దాచిన 35 ఎర్రచందన దుంగలను స్వాధీనం చేసుకున్నట్లు టాస్క్ఫోర్స్ ఎస్పీ సుందరరావు తెలిపారు. పుల్లారెడ్డి పైనా కేసు నమోదు చేసి దర్యాప్తు చేస్తున్నామని ఎస్పీ తెలిపారు.