మమతాకు అండగా ఉంటాం: చంద్రబాబు

పశ్చిమ బంగాల్​లో మమతా బెనర్జీ ప్రభుత్వానికి వ్యతిరేకంగా సీబీఐ వ్యవహారిస్తున్న తీరును సీఎం ఖండించారు. మమతా ప్రభుత్వానికి అండగా ఉంటామని తెలిపారు.

పశ్చిమ బంగాల్​లో సీబీఐ తీరును సీఎం చంద్రబాబు ఖండించారు. మోదీ, అమిత్​షాల ద్వయం వ్యవస్థలను ధ్వంసం చేస్తోందని మండిపడ్డారు. దీనికి ప్రస్తుత పరిణామాలే నిదర్శమని ఆరోపించారు. రాజకీయ ప్రత్యర్థులను వేధించడం సరికాదని... పార్లమెంటు ఎన్నికలు జరగనున్న తరుణంలో .. భాజపా పాల్పడుతున్న కుట్రల వల్ల అశాంతి జరుగుతుందని అభిప్రాయపడ్డారు. సమాఖ్య స్ఫూర్తి, రాజ్యాంగాన్ని రక్షించేందుకు మమతా ప్రభుత్వానికి మద్ధతిస్తామని తెలిపారు.