ముస్లిం ఉద్యోగులు గంట ముందే వెళ్లిపోవచ్చు!

రంజాన్ సందర్భంగా ముస్లిం ఉద్యోగులకు పనివేళలు సడలిస్తూ ప్రభుత్వం ఉత్తర్వులు జారీ చేసింది. ఓ గంట ముందే విధుల నుంచి ఇంటికి వెళ్లేలా అవకాశం కల్పించింది.

రంజాన్ సందర్భంగా ముస్లిం ఉద్యోగులకు ప్రభుత్వం తీపి కబురు చెప్పింది. పనివేళలు సడలించేలా ప్రభుత్వ కార్యదర్శి శ్రీకాంత్ ఉత్తర్వులు జారీ చేశారు. ఒప్పంద, పొరుగుసేవల ఉద్యోగులకూ ఈ సడలింపు వర్తిస్తుందన్నారు. రంజాన్ మాసం మొత్తం.. పని వేళల్లో.. సాయంత్రం గంట ముందుగానే ఇంటికి వెళ్లేందుకు ఈ మేరకు ప్రభుత్వం అనుమతి ఇచ్చింది. మే 6 నుంచి జూన్ 5 వరకు ఈ ఉత్తర్వులు అమల్లో ఉండనున్నాయి.