అసమ్మతి సద్దుమణిగింది

గుడివాడ, అవనిగడ్డ సీట్ల కేటాయింపుపై కినుకుగా ఉన్న నేతలతో సీఎం చంద్రబాబు మాట్లాడారు. ఎమ్మెల్సీ, కార్పొరేషన్ పదవులు కేటాయిస్తామన్నసీఎం హామీతో అసమ్మతి వర్గం సద్దుమణిగి ప్రచారంలో భాగస్వాములు అవుతున్నారు.

గుడివాడ, అవనిగడ్డ తెదేపా నేతల అసమ్మతి సద్దుమణిగింది. గుడివాడ శాసనసభ స్థానాన్ని దేవినేని అవినాష్​కు కేటాయిస్తూ పార్టీ అధినేత చంద్రబాబు నిర్ణయం తీసుకున్నారు. ఆ సీటు కోసం ప్రయత్నించిన రావి వెంకటేశ్వరరావుకు ఎమ్మెల్సీ సీటు కేటాయిస్తామని అధిష్ఠానం హామీ ఇచ్చింది. మరోనేత ఎలవర్తి శ్రీనివాస్​కు కార్పొరేషన్ పదవి దక్కే అవకాశం ఉంది. మరోవైపు అవనిగడ్డపైనా అసమ్మతి పంచాయితీ ముగిసింది. ఆ సీటును మండలి బుద్ధప్రసాద్ కేటాయిస్తూ సీఎం నిర్ణయం తీసుకున్నారు. విభేదాలు వీడి నేతల విజయానికి కృషి చేయాలని అసమ్మతి వర్గానికి చంద్రబాబు దిశానిర్దేశం చేశారు.