Fight for Property : అనంతపురం జిల్లా గుంతకల్లు పట్టణంలో ఆస్తి తగాదా విషయంలో అన్నపై తమ్ముడు కొడవలితో దాడికి పాల్పడిన ఘటన ఆలస్యంగా వెలుగులోకి వచ్చింది. పట్టణంలోని భాగ్యనగర్ కు చెందిన దేవేంద్ర, ఆంజనేయులు అన్నదమ్ములు. వీరి మధ్య కొన్ని సంవత్సరాలుగా ఆస్తి వివాదం కొనసాగుతోంది. ఈ క్రమంలో గుంతకల్లు పాత బస్టాండ్ లో నిలిపి ఉన్న అన్న దేవేంద్ర ద్విచక్రవాహనంపై తమ్ముడు ఆంజనేయులు కొడవలితో నరికాడు. అనంతరం వైఎస్సార్ కూడలిలో కొడవలితో దాడి చేయడానికి యత్నించాడు. అక్కడే ఉన్న సమీప బంధువులు ఆంజనేయులు వద్ద ఉన్న కొడవలి లాక్కొని పట్టుకున్నారు. సమాచారం అందుకున్న రెండవ పట్టణ పోలీసులు ఘటనా స్థలానికి చేరుకుని.. ఆంజనేయులు వద్ద ఉన్న కొడవలిని స్వాధీనం చేసుకున్నారు. తమ్ముడు చేతిలో దెబ్బతిన్న ద్విచక్రవాహనాన్ని పోలీసు స్టేషన్ కు తరలించారు. ఈ ఘటనపై కేసు నమోదు చేసుకున్న పోలీసులు విచారణ చేపట్టారు.
Fight for Property : ఆస్తి విషయంలో తగాదా.. అన్నపై కొడవలితో తమ్ముడి దాడి..
Fight for Property : ఆస్తి పంపకాల విషయంలో తగాదా అన్నదమ్ముల మధ్య దూరం పెంచింది. చివరికి రోడ్డుపైనే దాడి చేసేందుకు దారి తీసింది. కోపంలో విచక్షణ కోల్పోయిన తమ్ముడు నడిరోడ్డుపైనే అన్నపై కొడవలితో దాడికి యత్నించిన ఘటన అనంతపురం జిల్లా గుంతకల్లులో ఆలస్యంగా వెలుగులోకి వచ్చింది.
ఆస్తి విషయంలో తగాదా.. అన్నపై కొడవలితో తమ్ముడి దాడి..