వైకాపా నాయకుల ఫ్లెక్సీలపై సర్వత్రా విమర్శలు

అనంతపురం జిల్లా ధర్మవరంలో జాతీయ నాయకుల విగ్రహాలకు అడ్డుగా వైకాపా నాయకులు ఫ్లెక్సీలు ఏర్పాటు చేయడంపై సర్వత్రా విమర్శలు వెల్లువెత్తుతున్నాయి. స్థానిక ఎమ్మెల్యే వెంకట్రామిరెడ్డి జన్మదినం సందర్భంగా ఈ ఫ్లెక్సీలు ఏర్పాటు చేశారు.

అనంతపురం జిల్లా ధర్మవరంలో మాజీ రాష్ట్రపతి అబ్దుల్ కలాం, జ్యోతిరావు పూలే విగ్రహాలకు అడ్డుగా స్థానిక వైకాపా నాయకులు ఫ్లెక్సీలు కట్టారు. స్థానిక ఎమ్మెల్యే కేతిరెడ్డి వెంకట్రామిరెడ్డి జన్మదినం సందర్భంగా వైకాపా నాయకులు ఈ ఫ్లెక్సీలను ఏర్పాటు చేశారు. జాతీయ నాయకుల విగ్రహాలు కనిపించకుండా ఫ్లెక్సీలు ఏర్పాటు చేయడం వల్ల స్థానికుల నుంచి తీవ్ర విమర్శలు వ్యక్తమవుతున్నాయి. ఈ అంశాన్ని పోలీసులు.. అధికారుల దృష్టికి తీసుకెళ్లగా ఈ ఘటనపై చర్చిస్తున్నట్లు సమాచారం.

ఇదీ చూడండి: