అనంతపురం జిల్లా విడపనకల్లు మండలం పాల్తూరు వద్ద నిషేధిత గుట్కా ప్యాకెట్లను అక్రమంగా తరలిస్తున్న వ్యక్తిని పాల్తూరు పోలీసులు పట్టుకున్నారు. దాదాపు 30 వేల రూపాయలు విలువ చేసే గుట్కా ప్యాకెట్లను స్వాధీనం చేసుకున్నారు. అనంతపురం నగరానికి చెందిన సతీష్ అనే వ్యక్తి కొద్ది రోజులుగా బళ్లారి నుంచి అనంతపురానికి తన ద్విచక్ర వాహనంలో గుట్కాను తరలిస్తున్నట్లు పోలీసులు తెలిపారు. శనివారం సాయంత్రం పాల్తూరు పోలీసులు స్టేషన్ వద్ద వాహనాలు తనిఖీ చేయగా.. సతీష్ వాహనంలో అనుమానాస్పదంగా 3 బ్యాగులు కనిపించాయి. వాటిని తెరిచి చూడగా అందులో నిషేధిత గుట్కా ప్యాకెట్లు, పాన్ మసాలా ప్యాకెట్లు లభ్యమయ్యాయి. వీటిని స్వాధీనం చేసుకుని, నిందితుడిని అరెస్ట్ చేశామని సీఐ వెంకటేశ్వర్లు, పాల్తూరు ఎస్.ఇ. రాజేశ్వరి తెలిపారు.
తనిఖీ నిర్వహించారు... నిషేదిత గుట్కాని పట్టేశారు.