అనంతపురం జిల్లా కంబదూరు మండలం పరిధిలో కర్ణాటక నుంచి అక్రమంగా తరలిస్తున్న మద్యాన్ని స్పెషల్ ఎన్ఫోర్స్మెంట్ బ్యూరో పోలీసులు స్వాధీనం చేసుకున్నారు. కంబదూరు ఎస్ఈబీ సర్కిల్ ఇన్స్పెక్టర్ రవి తన సిబ్బందితో దాడులు చేశారు.
కర్ణాటక నుంచి మోటార్ సైకిల్ లో తరలిస్తున్న 158 మద్యం ప్యాకెట్లను తిమ్మాపురం క్రాస్ సమీపంలో స్వాధీనం చేసుకున్నారు. వెంకటేష్ అనే వ్యక్తిని అరెస్టు చేశారు. మోటార్ సైకిల్ స్వాధీనం చేసుకుని కేసు నమోదు చేశారు.