గుత్తిలో పోలీసులకు సన్మానం

అనంతపురం జిల్లా గుత్తి పట్టణంలో లాక్ డౌన్​లో భాగంగా విధులు నిర్వహిస్తున్న పోలీసులను.. ఉపాధ్యాయులు శాలువా, పూలమాలలతో సత్కరించారు. కరోనా వ్యాప్తి కట్టడికి వారు చేస్తున్న కృషి ఎనలేనిదని కొనియాడారు.

అనంతపురం జిల్లా గుత్తి పట్టణంలో లాక్ డౌన్​లో భాగంగా విధులు నిర్వహిస్తున్న పోలీసులను సన్మానించారు. మండల విద్యాధికారి రవినాయక్ ఆధ్వర్యంలో ఉపాధ్యాయులు శాలువాలు, పులమాలలతో పోలీసులను ఘనంగా సత్కరించారు. రవినాయక్ మాట్లాడుతూ.. కరోనా నేపథ్యంలో పోలీసులు నిర్వహిస్తున్న సేవలు విలువ కట్టలేనివని.. వారి ప్రాణాలను పణంగా పెట్టి కరోనా వ్యాప్తి కట్టడికి కృషి చేస్తున్నారని కొనియాడారు. గుత్తి పట్టణనం గ్రీన్ జోన్​లో ఉండడం పోలీసుల పనితీరుకు నిదర్శనమన్నారు. ఈ కార్యక్రమంలో సీఐ రాజశేఖర్ రెడ్డి, ఎస్సై గోపాలుడు, కానిస్టేబుళ్లు పాల్గొన్నారు. సీఐ మాట్లాడుతూ.. ఈ సత్కారం తమకు లభించిన గౌరవంగా భావిస్తున్నామన్నారు. ఇకపై మరింత బాధ్యతగా పనిచేస్తామని తెలిపారు.

ఇవీ చదవండి.. ఆ గ్రామాల్లో ‘ఉపాధి’ లేదు!