అనంతపురం జిల్లా బెలుగుప్ప మండలం రమనేపల్లి రహదారిపై గుర్తుతెలియని వాహనం ఢీకొని ఓ యువకుడు మృతి చెందాడు. శనివారం సాయంత్రం రోడ్డుపై నడుచుకుంటూ వెళ్తున్న హరికృష్ణను.. వెనకవైపు నుంచి వస్తున్న కారు ఢీకొట్టిందని ప్రత్యక్ష సాక్షులు చెప్పారు. తీవ్రగాయాలైన క్షతగాత్రుడిని బెంగళూరుకు తరలిస్తుండగా మార్గమధ్యంలోనే మృతి చెందినట్లు కుటుంబ సభ్యులు వాపోయారు. బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు బెలుగుప్ప పోలీసులు తెలిపారు.
యువకుడిని ఢీకొట్టిన కారు..ఆస్పత్రికి తరలిస్తుండగా మృతి
రోడ్డుపై నడుచుకుంటూ వెళ్తున్నా ప్రమాదాలు తప్పటం లేదు. డ్రైవర్ల నిర్లక్ష్యంతో, అధిక వేగంతో దూసుకెళ్లిపోతున్న వాహనాల కింద చిధ్రమౌతోన్న వాళ్లు ఎంతోమంది. ఇలాంటి ఘటనే అనంతపురం జిల్లా బెలుగుప్ప మండలం రమనేపల్లి రహదారిపై జరిగింది. రోడ్డుపైకి వచ్చిన యువకుడిని.. ఓ కారు వేగంగా వచ్చి ఢీకొట్టింది. రక్తమడుగులో ఉన్న క్షతగాత్రుడిని ఆసుపత్రికి తరలిస్తుండగా మృతి చెందాడు.
రమనేపల్లి రహదారిపై కారు ఢీకొని యువకుడు మృతి