కరోనా వ్యాప్తి చెందకుండా గ్రామాల మధ్య కంచె వేసిన గ్రామస్థులు
అనంతపురం జిల్లా పెనుకొండ మండలంలోని ఎర్రమంచిలో ఏర్పాటైన కియా కార్ల పరిశ్రమ సిబ్బంది.. సమీప గ్రామాలైన కురుబవాండ్లపల్లి, హరిపురం గ్రామాల పరిధిలో నివాసం ఉంటున్నారు. కరోనా భయంతో కురుబవాండ్లపల్లి ప్రధాన రహదారిలో పెద్ద వంక వంతెనపై గ్రామంలోకి ఇతరులు ఎవరూ రాకుండా ముళ్ల కంపలతో ప్రధాన రహదారి మూసివేశారు. గ్రామ సమీపంలో నివాసముంటున్న కొరియన్లు ఉదయం బయటకు వెళ్లేందుకు కారులో వచ్చారు. ప్రధాన రహదారిలో ముళ్ల కంపలు అడ్డుగా వేయటంతో... అటు వైపు నుంచి మరో కారును పిలిపించుకుని లగేజ్ మోసుకుని అవతలికి వెళ్లారు. కరోనా వైరస్ భయంతో పండగ పూట ప్రజలెవరూ బయటకు రావడం లేదు.