15 నిమిషాల్లో ఫుల్ ఛార్జింగ్... ఉచితంగా కాల్స్

దేశంలోనే తొలిసారిగా విశాఖ రైల్వే స్టేషన్​లో ప్రయాణికులకు ప్రత్యేక సౌకర్యాన్ని అందుబాటులోకి తెచ్చారు. కేవలం 15 నిమిషాల్లో ఫోన్​కు 100 శాతం ఛార్జింగ్ పెట్టుకోవచ్చు. అంతేకాదు ఎవరికైనా కాల్ చేసుకోవచ్చు. ఈ సేవలన్నీ ఉచితం.

విశాఖ రైల్వేస్టేషన్​లో హ్యూమన్ ఇంట్రాక్ట్ ఇంటర్​ఫేస్(హాయ్)ను ఏర్పాటు చేశారు. ఇది స్మార్ట్ డిజిటల్​ కియోస్క్, డిజిటల్ బిల్ బోర్డు కలిపి ఉండేలా సేవలందించే ఓ సిస్టమ్. ఒకటో నంబర్ ప్లాట్​ఫారం మీద ఏర్పాటు చేసిన వీటిని వాల్తేర్ డీఆర్​ఎం చేతన్ కుమార్ శ్రీవాస్తవ, స్టీల్ ప్లాంట్ సీఎండీ ప్రదోష్ కుమార్ రత్​లు ప్రారంభించారు. ఇవి రైల్వేకు ఆదాయాన్ని సమకూర్చి... ప్రయాణికుల అవసరాలను తీరుస్తాయని రైల్వే అధికారులు తెలిపారు.

హాయ్ అందించే సేవలు ఇవే

• 10 నుంచి 15 నిమిషాల్లోనే మొబైల్స్ ఫుల్ ఛార్జింగ్ చేసుకోవచ్చు. అలాగే ల్యాప్​ట్యాప్స్​కు ఛార్జింగ్ పెట్టుకోవచ్చు.
• ఫోన్లు అందుబాటులో లేని వ్యక్తులు తమ వారికి వీటి ద్వారా ఉచితంగా ఫోన్ చేసుకోవచ్చు
• రైళ్ల రాకపోకల టైం టేబుల్, ట్రైన్ రన్నింగ్ స్టేటస్​ కియోస్క్​లోని ఎల్​ఈడీ తెరల్లో కనిపిస్తుంది
• గూగుల్​ మ్యాప్స్, సిటీ మ్యాప్​లు ఇందులో పొందుపరిచారు. ఎక్కడికైనా వెళ్లాలంటే ఆ ప్రాంతం ఎంతదూరంలో ఉందో ప్రయాణికులు తెలుసుకోవచ్చు

కొన్ని షరతులు

ఫ్రీ కాల్స్ సౌకర్యం ఉన్నందున ఫ్రాంక్, బెదిరింపు కాల్స్ చేసేవారిని గుర్తించేందుకు ప్రతి ఒక్కరి ముఖాన్ని ఈ యంత్రం స్కాన్ చేస్తుంది. వారి ఫొటో ఇందులో నిక్షిప్తమవుతుంది. త్వరలోనే వీటిని దేశవ్యాప్తంగా అందుబాటులోకి తెచ్చేందుకు కృషి చేస్తామని వాల్తేర్ డీఆర్​ఎం చేతన్ కుమార్ శ్రీవాస్తవ తెలిపారు.

ఇదీ చదవండి:ఉపాధ్యాయిని దారుణ హత్య.. భర్తే హంతకుడు..!