రైల్వే ఉద్యోగాలన్నారు... చివరకు అరెస్టయ్యారు!

రైల్వే ఉద్యోగమంటే ఆశ పడనిదెవరు? అదే ఆసరాగా చేసుకుందో ముఠా. మేం ఉద్యోగం ఇప్పిస్తాం.. మాకు డబ్బివ్వండి! అంటూ నమ్మించారు. చివరకు పోలీసుల చేతికి చిక్కారు.

విశాఖలో ఓ ముఠా.. నిరుద్యోగులను లక్ష్యంగా చేసుకుంది. రైల్వే ఉద్యోగాలంటూ అమాయకులకు ఆశ చూపింది. 10 మందికి ఉద్యోగాలంటూ ఒక్కొక్కరి నుంచి రూ.50 వేలు వసూలు చేశారు నిందితులు. ఈ విషయం ఆర్పీఎఫ్ సిబ్బందికి తెలిసింది. వారు వేసిన నిఘాలో.. ముఠా చిక్కుకుంది. విశాఖకు చెందిన రాజశేఖర్​ రావు, శ్రీనివాస్​, పేడాడ అనంతరావును రైల్వే పోలీసులు అరెస్టు చేశారు. నిందితుల నుంచి నకిలీ నియామక పత్రాలు, రూ.లక్ష డిపాజిట్ రసీదులు స్వాధీనం చేసుకున్నారు. తదుపరి విచారణ కోసం విచారణ కోసం రెండో పట్టణ పోలీసులకు అప్పగించారు. ముఠా గుట్టురట్టు చేసిన ఆర్పీఎఫ్​ ప్రత్యేక బృందానికి అధికారులు 10వేల రివార్డు అందజేశారు.