వైకాపా పాలన అవినీతిమయం: సోము వీర్రాజు

వైకాపా పాలన అవినీతిమయంగా మారిందని భాజపా రాష్ట్ర అధ్యక్షుడు సోము వీర్రాజు ఆరోపించారు. విశాఖలో నిర్వహించిన పార్టీ కార్యక్రమంలో పాల్గొన్న ఆయన... వైకాపా, తెదేపాలపై తీవ్ర విమర్శలు చేశారు. కోడిగుడ్ల పంపిణీ, సర్వశిక్ష అభియాన్​ పథకాల్లో తీవ్ర స్థాయిలో అవకతవకలు జరుగుతున్నాయని ఆరోపించారు.

వైకాపా ప్రభుత్వంపై భాజపా రాష్ట్ర అధ్యక్షుడు సోము వీర్రాజు తీవ్ర విమర్శలు చేశారు. రాష్ట్రంలో అమలవుతున్న 24 ముఖ్య పథకాలకు కేంద్రం 60 శాతం నిధులు ఇస్తోందని చెప్పారు. పోలవరం ప్రాజెక్టు కంటే వసతి గృహ విద్యార్థులకు పెట్టే కోడిగుడ్లలో ఎక్కువ అవినీతి ఉందన్నారు. సర్వశిక్ష అభియాన్​లో భారీ స్థాయిలో అవినీతికి పాల్పడుతున్నారని ఆరోపించారు. చంద్రబాబు తరహాలోనే వైకాపా పాలన సాగుతుందని దుయ్యబట్టారు.

అన్ని రంగాల్లో విఫలం: సునీల్ దియోధర్

రాష్ట్ర ప్రభుత్వం అన్ని విధాలా విఫలం చెందిందని భాజపా జాతీయ కార్యదర్శి సునీల్ దియోధర్ అన్నారు. కేవలం వైకాపాలోని ఒక్కరో ఇద్దరో ప్రభుత్వాన్ని నడుపుతున్నారని ఆరోపించారు. రోజురోజుకూ రాష్ట్ర ఆర్థిక పరిస్థితి దారుణంగా తయారవుతుందని చెప్పారు.

ఇదీ చదవండి: