వెల్లంపల్లి శ్రీనివాస్
దేవీ నవరాత్రుల సమయంలో అమ్మవారిని దర్శించుకునేందుకు వచ్చే భక్తులకు అసౌకర్యం కలగకుండా... దసరా ఉత్సవాలకు ఏర్పాట్లు చేస్తామని దేవాదాయ శాఖ మంత్రి వెల్లంపల్లి శ్రీనివాస్ తెలిపారు. విజయవాడలోని కలెక్టర్ క్యాంపు కార్యాలయంలో పలుశాఖల అధికారులతో సమావేశం నిర్వహించిన మంత్రి... దసరా కోసం ఆయా శాఖలు ఎలాంటి ఏర్పాట్లు చేస్తున్నాయో అడిగి తెలుసుకున్నారు. అన్ని శాఖలు సమన్వయంతో ముందుకెళ్తూ... ఎటువంటి లోటుపాట్లు లేకుండా ఏర్పాట్లు చేయాలని ఆదేశించారు.